Include this script into your page along with the iframe for a responsive media embed
O‘zbekiston davlat filarmoniyasi Sirdaryo viloyati hududiy bo‘linmasi tomonidan 2 iyul kuni Jizzax viloyati Zomin tumanida joylashgan “Zomin” davolash-sog‘lomlashtirish sanatoriysida dam oluvchilar uchun madaniy-konsert dasturi namoyish etildi. Mazkur tadbir sanatoriyda dam olayotgan fuqarolarning mazmunli hordiq chiqarishlari, ularga ko‘tarinki kayfiyat ulashish hamda milliy san’atimizni keng targ‘ib etish maqsadida tashkil etildi. Konsert dasturi davomida filarmoniya ijodkorlari tomonidan Vatan, tinchlik, do‘stlik va insoniy qadriyatlarni tarannum etuvchi kuy-qo‘shiqlar, shuningdek, xalqimiz sevib tinglaydigan milliy va zamonaviy musiqiy asarlar ijro etildi. Tadbir ishtirokchilari san’atkorlarning chiqishlarini katta qiziqish bilan kuzatib, ularga samimiy olqishlar bildirdilar. Konsert dasturi dam oluvchilarga ko‘tarinki ruh va unutilmas taassurotlar ulashib, barchaga bayramona kayfiyat bag‘ishladi.
