Include this script into your page along with the iframe for a responsive media embed
O‘tgan haftada Prezidentimiz onkologik kasalliklarning oldini olish va ularni davolash tizimini takomillashtirishga qaratilgan ikkita muhim hujjatni imzoladi. Bular — “Saraton kasalliklarining oldini olish, erta aniqlash va davolash chora-tadbirlarini takomillashtirish to‘g‘risida”gi hamda “Aholiga palliativ tibbiy xizmatlar ko‘rsatishni takomillashtirishning qo‘shimcha chora-tadbirlari to‘g‘risida”gi qarorlar. Sog‘liqni saqlash vazirligi tomonidan Respublika ixtisoslashtirilgan onkologiya va radiologiya ilmiy-amaliy tibbiyot markazida ushbu hujjatlar mazmun-mohiyati va ahamiyatiga bag‘ishlangan matbuot anjumani o‘tkazildi. Unda soha mutaxassislari bilan birga, markazning 14 ta hududiy filiallari mas’ullari onlayn tarzda ishtirok etdi. Tadbir davomida ushbu qarorlar doirasida amalga oshiriladigan ishlar taqdimoti o‘tkazildi. Shuningdek, OAV vakillari o‘zlarini qiziqtirgan savollarga batafsil javob oldi. SSV Matbuot xizmati.
